Запрашаем экспертаў прыняць удзел у Сакавіцкіх сустрэчах

Інфармацыйна-асветніцкая ўстанова «Новая Еўразія», асветніцкая ўстанова «Офіс еўрапейскай экспертызы і камунікацый» і адкрыты Арганізацыйны камітэт запрашаюць вас узяць удзел у Сакавіцкіх сустрэчах грамадскіх арганізацый і ініцыятываў у якасці экспертаў і экспертак секцый.

Сакавіцкія сустрэчы – гэта двухдзённае мерапрыемства для міжсектарнага ўзаемадзеяння, дыскусій, абмену ведамі, досведам і практыкамі. Сёлета Сакавіцкія сустрэчы будуць прысвечаны ўдзелу некамерцыйных арганізацый і грамадзян у развіцці мясцовых супольнасцяў і вырашэнні праблем на лакальным, рэгіянальным і нацыянальным узроўнях.

Даты і месца правядзення: 4–5 сакавіка 2017, Мінск. Мы спадзяемся, што ў гэтыя дні сустрэнуцца разам не менш як 150 актыўных людзей, якія працуюць на карысць сваіх супольнасцяў.

Мы запрашаем усіх зацікаўленых узяць удзел у Сакавіцкіх сустрэчах у якасці экспертаў і экспертак – спікераў і вядучых майстар-класаў. Вы зможаце падзяліцца сваім досведам, напрацоўкамі і ідэямі і – самае галоўнае – зрабіць унёсак у развіццё грамадскіх ініцыятываў у Беларусі для дасягнення наступных задач:

  •  прасоўванне падыходаў да працы, заснаваных на дакладных дадзеных, праз агляд даследаванняў у галіне развіцця некамерцыйных арганізацый і мясцовых супольнасцяў;
  •  садзейнічанне развіццю і павышэнню эфектыўнасці грамадзянскай актыўнасці: дэманстрацыя гісторый поспеху і лепшых практык;
  •  стымуляванне дыскусіі пра актуальны стан і перспектывы развіцця некамерцыйных арганізацый і ініцыятываў;
  •  пабудова партнёрстваў і генераванне новых ідэй: выпрацоўка механізмаў рэгулярнага ўзаемадзеяння і абмену інфармацыяй паміж арганізацыямі, якія працуюць у сферы мясцовага і рэгіянальнага развіцця.

Каб прапанаваць сваю тэму секцыі, запоўніце, калі ласка, анлайн-форму да 7 лютага. Калі вашая секцыя будзе адабраная арганізатарамі для ўключэння ў праграму, мы звяжамся з вамі не пазней за 10 лютага.

logo-sakavik-navina-710x405

 

 

 

 

 

Адкрыты арганізацыйны камітэт

Сакавіцкіх сустрэчаў

  • Інфармацыйна-асветніцкая ўстанова «Новая Еўразія»,
  • Асветніцкая ўстанова «Офіс еўрапейскай экспертызы і камунікацыі»,
  • Мясцовы фонд садзейнічання развіццю міжнароднага дыялогу і супрацоўніцтва «Інтэракцыя»,
  • Міжнароднае грамадскае аб’яднанне «Гендарныя перспектывы»,
  • Міжнароднае асветніцкае грамадскае аб’яднанне «АКТ»,
  • Сацыяльна-інфармацыйная ўстанова «Гарадское развіццё»
  • Інфармацыйна-практычная установа «Цэнтр даследавання грамадскага кіравання «СІМПА»
  • Асацыяцыя дадатковай адукацыі і асветы
  • Моладзевы адукацыйны цэнтр «ФІАЛЬТА»
  • Міжнародная некамерцыйная арганізацыя PACT
  • Праграма падтрымкі Беларусі Федэральнага ўрада Нямеччыны

Калі вы жадаеце далучыцца да Адкрытага арганізацыйнага камітэта, напішыце на нашую пошту sakavik.forum@eurasia.by